/log

كفايه صوت عالي

with 13 comments

السلام عليكم و رحمة الله وبركاته

نفسي افهم حاجه واحده واحد جايب موتوسيكل صيني ومشغل اغنيه اقل ما يقال عنها انها إسفااف زنبي انا ايه احفظها من كتر ما بيعدي جنبي ..!
انا الفتره الأخيره مش ببقى موجود في البيت كتير و كمان المنطقه اللي انا ساكن فيها مش الأكثر شعبيه على الإطلاق ولكن إمبارح وانا خارج مع إصحابي اتكلمنا في الموضوع ده وإتضح ان الموضوع مضايق الكل ..
وانا إفتكرت ايام الدراسه لما كنت اقول لأخويا الصغير يوطي الصوت بتاع اي حاجه هوا مشغلها ويجي واحد من الشارع -وكأنه يستفزني- ويسمعني غصب عني “مختارات من اسوأ” ما انتجه الغناء -ده إذا كان غِناء- في مره تهورت وانا ماشي مع محمد صفوت في الشارع شاورت لواحد فيهم انه يوطي الصوت .. بصلي بعيون بارده جدا وشوارلي بالسبابه ومحركا رأسه  “لا” .. وابتعد ..
وغيره من الحكايات اخرها ان واحد صاحبي امبارح مبتلى انه عايش وسط مستودع و مقدمين الخدمه اساسا و صحي النهارده على واحد بيقلب الtracks -واضح انه بيدور على اغنيه كويسه- والجميل انه عدى على اللست مرتين .. وده يثبت انهم شخصيا مقتنعين انهم بيسمعوا زباله ..!

بس اللي انا لاحظته ان الناس – ودي حاجه غايظاني جدا- معندهومش مانع يسمعوا واحد راكب عربيه ومعلي الكاسيت و مشغل عمرو دياب او حتى شاكيرا ..!!

وهنا يكمن خطا مبدأي فظيع بس عشان مخشش في تفريعات كتير الشخص ده لا يختلف عن الراجل بتاع الموتسيكل الصيني ..!
كمان بحس ان ده منظر يدل على ان اللي عامل الموضوع ده  مٌحدث ..!

وعموما لو كنت من الناس اللي بيعلو الصوت فربنا يهديك و تاخد فينا ثواب إن شاء الله وتبطل تسمع اللي انت بتسمعه ده او على الأقل لا تجاهر به..

ولو كنت من اللي بيعانو -زي حلاتي- فلنا الله و ربنا يرزقنا الصبر على الإبتلاءات.

و في رعايه الله و أمنه ..

Be Sociable, Share!

• 

• Tweet

13 Responses to 'كفايه صوت عالي'

Subscribe to comments with RSS or TrackBack to 'كفايه صوت عالي'.

1. لنا الله!

   

   BooDy

   24 Jun 09 at 4:34 PM
2. مش انت لوحدك اللى بتعانى ( ربنا يصبرنا

   

   ebraheem imam

   24 Jun 09 at 7:11 PM
3. مش انتم لوحدكم اللى بتعانوا
   عندنا برده فى المنقة كده
   صباح الاستهبال لما تلاقى واحد معدى الساعة 2 بالليل
   و معلى التسجيل على اخره و كأنه عاوز كل الناس تصحى وتسمع
   !!!!!!!!!!!!!!!!!!!!!!!!!

   

   MMF

   25 Jun 09 at 1:04 AM
4. وما كتر التكاتك -مش اسمها كده برده-اليومين دووول.
   كتير جدا وبدون داعى
   نفسى اجيب قنبله وأفجر المكان اللى بيقفوا فيه :@

   

   Marwa

   25 Jun 09 at 5:30 PM
5. طيب قول الحمد لله ان انت فى المنصورة
   والله يا سيد انا ممكن انزلك منطقه
   اولا اتكاتك فيها اكتر من الناس اللى ماشيه فى الشارع
   ثانيا الاولويه هناك مش للمشاه دا للتاكاتك
   ثالثا انك لو قلتله وطى اللى انت مشغله دا معدونش مانع انه يقوم يضربك
   وبعدين اكيد اكيد اكيد
   بيسمعوا ناس ناس ” نضيفه ” زى مثلا طارق الشيخ او عبد الباسط حمودة
   هنا يابنى بيسمعوا ايمن حلاله =))

   

   Moonwound

   25 Jun 09 at 7:26 PM
6. واضح ان الموضوع مضايق ناس كتير ..
   يا ترا هــــــل في حاجه هتتغير ..؟
   هــــل ان في شريحه مش قليله من الناس مضايقه من الموضوع ده حاجه هتغير ..
   هو ده السؤال اللي هتجاوب عليه الأيام ..

   شكرا على التعليقات اللطيفه ..لا تنسونا في صالح دعائكم بظهر الغيب

   

   me

   26 Jun 09 at 11:52 PM
7. والله عندك حق يا باشا
   انا مبكرهش فى حياتى اد الصوت العالى والعالم اللى بتعلى اصوات الاغانى التافهة دى
   بالتوفيق

   

   fkrny

   11 Jul 09 at 3:42 AM
8. rabena yehdy we el nas te7s b2a
   thanks alot ya bacha

   

   E-MAREKTING

   2 Aug 09 at 12:58 PM
9. ما هى دي ميزة القري

   بس بجد الموضوع دة بقي اسلوب عام زي ما تكون الناس فرحانين انهم جابوا موتوسيكلات صيني او موبايلات صيني حتى فى المحاضرات و السكاشن تلاقى قبل ما الدكتور يجي كل واحدمشغل لى اغنية مشعارف اية و فى الميكروباصات و غصب عنك لازم تسمع ولو جيت تكلمه يقول لك بكل بجاحة سد ودانك دى حرية شخصية

   هههههه

   طيب انا حريتي برضة انى مش عاوز اسمعك

   يا جماعة ربنا خلق الدنيا من غير مضايقاتكم يعني الهدوء هو الاصل مش الدوشة اللى بتدوشوها لنا

   

   عم مصر

   13 Aug 09 at 8:56 AM
10. @عم مصر
    يادي النور يادي النور

    

    me

    14 Aug 09 at 5:38 AM
11. شوف يا سيد إحنا قاعدين نقول إن كل واحد في مصر لازم يكون مؤثر في المجتمع و يغير من الناس اللي حواليه … الناس دي بتؤثر في كل فرد بتقابله و كل فرد ساكن حواليها .. عايز منهم إيه أكتر من كده

    و كمان لو معملوش صوت عالي هيعملوا إيه غير كده .. يقعدوا علي قهوه مثلا ( علي الرغم إنهم أساسا مبيعملوش حاجه في الأغلب غير كده )

    

    KAM

    6 Sep 09 at 4:53 PM
12. طيب كويس واضح انك متركبش ميكروباصات او تكاتك
    بس وجه الاعتراض مش يبقى على اللى شغال سواء كويس او وحش
    وجه الاعتراض على الصوت العالى
    حتى لو الحاجة اللى شغالة كويسة فا الصوت العالى بيفقدها معناها
    ومش لازم الواحد يتعدى على حرية الاخرين
    الحمد لله انا ساكن فى منطقة هادية
    مش بسمع الحاجات دى الا مرة او مرتين فى اليوم بالكتير
    عندنا هنا الهدوء قاتل شوية
    خصوصا بليل

    

    Gawish

    14 Dec 09 at 2:09 PM
13. Fe3lan ..
    Rabena saterha awe l7ad keda

    Thanks for passing by

    

    me

    15 Dec 09 at 3:57 AM

Leave a Reply