أخ
لما تكون أنت شخصيا ندل وحياتك العملية واخدة الجزء الأكبر وهيا اللي بتحدد كل أولوياتك ويجي واحد يتصل بيك ويسأل عليك ويعاتبك عشان مش بتكلمه
ويسألك هترجع إمتى.
بتحس فجأة كإنه إداك لامؤاخذة بالألم على وشك ويقولك فووووق
أنا من زمان بحب والدي أوفر يعني بس الأيام دي أنا حاسس إني فعلا مع كل مرة بيكلمني فيها بحس إني عايز أقوله أني -إستغفر الله العظيم- مستحقكش وأبقى عايز أبوس التيليفون بعد ما أخلص.
لكن الجديد بقى إن الشخصية اللي أنا هتكلم عليها مش بابا ولا حد من أخواتي البنات اللي أنا دايما عايش حالة وحشة و إشتياق ليهم لكن الجديد أنه “أخ”
أيوه و من باب التسييح هوا الأخ علاء الدين السباعي
واد جدع كده من جديلة مش سيس وبتاع كمبيونر زيي
معماري وملتزم ومحترم وإبن بلد زي ما الكتاب بيقول.
والمهم إنه لا ليه في الكبيونر ولا ليه في النت ولا النتيتة ولا عايز مني أي حاجة .. فقط بيسأل عليا و بيعرف أنا فين من وقت لآخر أكثر من إصحابي اللي أعرفهم من سنين .
فعلًا رب أخ لم تلده أمك.
ربنا يجزيك خير يا علاء ويقدرني أرد حق الصداقة دي ويوفقك يا رب ويرزقك من حيث لا يحتسب.
علاء شخصية ذات همة عالية وأحسبه من الرجال مع برائته..
أنا إعتكفت مع علاء ثلاث مرات تقريبا وأعتقد إن كل مرة إعتكفنا فيها حصل حاجة في المعتكف وكان علاء موجود وبتفضل مغامرة نفضل تحكي عليها على الأقل لسنة بعد الإعتكاف .
أنا سعيد إني بعرف حد زيه وبقول من كل قلبي إني أحبه في الله.
