Talking about Mansura I’m feeling we -elder developers- can play better role in adding one more “REAL” valid Open source competitor specially when I’m witnessing lots of young developers adopting python and django as the main tools in their graduation projects and independently organized projects including 3 of them mentored by me.
I’m hoping that we can start this in the right way, pull developers to the collaborative attitude, create user active user groups early, start more community projects, use standard techniques early and avoid problems we faced in PHP communities.
That’s why I’m planning to give courses related to python and web development using django framework.
Soon isA I’ll be posting contents of the Python course and django course.
Stay tuned
Salam
طيب الله أوقاتكم
“كلمة السر .. رمضان” دي الـ status اللي أنا إبتديت بيها الشهر الكريم على أساس إن رمضان ده المفروض يحدد حاجات كتير في حياتي ولإني كنت فاكر إني وصلت لقمة الحيرة قبل الشهر والوقتي أنا في قلب الشهر ويومين يفصلونا عن العشر الأواخر وكل عام وأنتم بخير ولازم أعترف إن الـ ١٨ يوم الأوائل كان فيهم الكثير والكثير أوي يعني
بس الأحداث الهامة -highlights- زي ما بيعملوا في ماتشات الكورة
١- طرح موضوع زواجي بقوة على الساحة
٢- محاولة إنجاح إرتباطي من زميلة
٣- فشل المحاولة فشل مقدرش أوصفه غير بـ “محرج” بس حاسس إني عملت اللي عليا يعني مكنش في حاجة ينفع أعملها عشان أخلي الموضوع ينجح.. وأنا بتمنالها كل خير هي حد كويس جدا جدا يعني
٤-على التوازي تعقيدات في تغير طريقة العمل بالشركة وإنشاء شركة جديد
٥- التغيير في الشركة كان المفروض يراعي حالة مشروعي اللي وقف بعد ما إتشغلت في القاهرة.
٦-أخبار الإعتكاف إيه؟ سؤال دايما بجاوبه في آخر ٣ دقائق.
٧-أهلي أهم Network والدي كان مرحب فكرة جوازي بشكل قوي أنا مكنتش متوقعه
٨- أخواتي البنات وولادهم واحشنيي بشكل خيالي وبالذات ولاد أختي ملك ومرام ولينا وللأسف مش هتيجي السنة دي..
٩-حاسس إن لو أمي معايا الوقتي كان يمكن تفيدني كتير أوي بس قضاء الله وقدره.
١٠- تأملات في إنتمائي السياسي وعلاقته بمعتقدي الديني.
١١-eventati
المهم رمضان قرب يخلص ومش عارف لسه في حاجات تانيه ولا إيه ..
المهم إن اللي إتحسم الوقتي هوا إني معنديش أي مشاريع زواج في الأفق وإن المشروع اللي كان موجود لم ينجح
وإني إكتشفت إن في دعم قوي من البيت عندي لأي مشروع زواج.
وباقي المواضيع يا إما كانت معقدة وبقت معقدة أكثر وإما ما كنتش موجودة أصلا ..
المهم كلمة السر فعلا بقى في المرحلة الجديد في رأي المفروض تبقى إيه ..
وأنا برغم كل شيء سعيد بموضوع كلمة السر دي .. بتديك إحساس إنك عندك سلوجان وياسلام لو ماكانش إنجلش لانجوش عشان تامر بتاع غمرة ميزعلش ..
أنا مثلا شايف إن سلوجان المرحلة الجاية المفروض يبقى ..
إفرح بس ده ممكن يعمل مشاكل مع عمرو مصطفى وبعدين أنا برده مش زعلان أوي يعني أنا سبحان الله كنت حاسس إني هنهار حسيت إني ثابت أوي أوي يعني لدرجة إني ساعات بخاف لكون إتعودت وجود مشاكل في حياتي فمعرفش أستقر بس أنا فعلا عندي إحساس إني عايز آخد بريك ..!
القوة بين إيديك .. أنا فعلا القوة -بإذن الله بين إيديا- أنا عندي قرار لو أخدته هضرب كل العصافير بكل الحجارة بقى والجامد إن موضوع الإرتباط اللي بخ ده خلى قلبي أجمد من زمان بالذات بخصوص القرار ده ..بس الصبر مطلوب .. إتقل..
الوقتي “مش” وقتها .. على غرار الوقتي وقتها بتاع إتصالات ممكن أعمل الوقتي مش وقتها وده برده يمشي أوي معايا عشان أنا ناوي أأجل مشاريع الإرتباط مع إن ده هيخل بهدف كنت حاطه وهو إني أبقى فعلا مرتبط على ٢٥ سنة بس هيخليني أجرأ بالذات فيما يتعلق بشغلي !
مش عارف حاسس إني هضرب كل الشعارات دي في الخلاط وأطلع حاجة كده أستيك شغل فنادق
والله الموفق والمستعان
ملحوظة: في حالات التوتر العاتشفي بلاقي نفسي بحب أكتب هنا مش عارف ليه ؟!
السلام عليكم و رحمة الله و بركاته ..
بعد طلب كتير من الجماهير الغفيرة و لأني مش عارف ليه إشتقت فجأة لإني أشرح .. أنا هبدأ دورة ويب جديدة سريعة في المنصورة .. قريب جدا جدا إن شاء الله غالبا في خلال ١٠ أيام..
المواضيع الرئيسية في الدورة ..
- HTML
- CSS
- Javascript
- PHP
- OO PHP Programming
- MySQL
- AJAX
مدة الدورة هتبقى ٦٠ ساعة و مرتين في الإسبوع و المرة الواحدة ٥ ساعات يعني من شهر ونص لشهرين..
لو حابب تشترك في الدورة إضغط الرابط التالي:
Register Now- إشترك الآن
في شباب بالفعل إشتركوا ودول مش ضروري يملوا الإستمارة لكن لو دخلوا تفاصيلهم ده يبقى أحسن برده ..
و عموما أنا -إن شاء الله- هبعت بريد لكل المنتسبين للدورة في أقرب وقت ممكن فيه تفاصيل الدورة ..
والله الموفق