بعد يوم طويل إليكم أهم الهلاوس اللي جت في دماغي ..

أيوه أنا الوقتي معنديش أكتر من الأحلام وقدراتي كل يوم بتزيد آه بس مش بتزيد زي ما أحلامي بتزيد ..

هل أنا فعلا البطل الفظيع اللي أنا شايفه في خيالي .. ولا أنا لا أتعدى شخص أحلامه كتير ..

طيب هوا أنا جايب تصور البطل الفظيع ده منين يعني ..

داأنا حتى هتم ٢٣ سنة ولا إنجاز مميز ولا عامل إختراع ولا أي حاجة ..

شكلي كده هطلع واخد في نفسي مقلب ..

طيب وماله ما أطلع واخد في نفسي مقلب .. ماهو من الآخر كده .. لو كنت أقل من التوقعات هعرف ساعتها .. )

وأنا الوقتي مفيش في إيدي إلا إني أتوكل على الله .. ومن توكل على الله فهو حسبه ..

وكل اللي محتاجه بس إني أحدد إيه المعارك اللي تستاهل ..

يعني مثلا في ١٤٣٢ الأهم إني أأكد حفظ الأجزاء اللي حفظتها.

وإني أتنيل أكمل موضوع الجيم .. هوا مش سد خانة-فاهمني أنت طبعا .. – متعملش نفسك أهبل ..

وموضوع British Council .

والإمتحانات.

والRelease الجديدة.

دول هم الأهم على الإطلاق .

والأهم أولا ..

ربنا يستر ..

بكرة ٧-١٢-٢٠١٠ .. ورأس السنة الهجرية..
ودي علامة إنه في سنة إنتهت .. بكل مشاكلها وقرفها وأخطائها .. إنتهت خلاص … ودي فرصة جديدة أتوب ..توبة بوقفة عارفين اللي هيا بيصاحبها تغيرات جذرية دي ..
أراجع القديم و عارف هتبقى قعدة كآبة الكآبة..
و أحط خطط جديدة وعارف هتبقى قعدة خيال علمي ..

بس بشكل مبدأي أنا متفائل على قدر ما كانت السنة اللي فاتت صعبة كانت سنة وعدت الحمد لله .. والسنة اللي جاية شكلها أكثرا توترا .. ربنا يطلعنا من الدنيا عموما على خير

ملحوظة: يظهر إن موضوع الQuickPress ده هيحول حياتي لمقالات في منتهى القصر ..

السلام عليكم و رحمة الله و بركاته

بعد غيبة طويلة أنا و الكات سكوب راجعين مع بعضأيون.. دي النسخة ال١١ من المؤتمر أيام ١٢،١٣،١٥، ١٦ أربعاء خميس سبت و الأحد القادمين..

و أنا سعيد جدا إني هعمل محاضرة فيه  يوم الخميس إن شاء الله …. و نفسي جدا ينجح لأكتر من سبب .. من أهمهم..

١-نشر المعرفة و بالذاتالمرة دي وإحنا إتكلمنا مع شباب من إعدادي و أولي هندسة و بالتالي الثواب إن شاء الله كتير..

٢-تتويج لجهود الشباب اللي إتطحنوا واللي لأول مرة ببقى بعيد عنهم في حاجة زي كده .. لكن البركة في الشباب  عاملين شغل فوق الممتاز حتى الآن و على رأسهم محمد صفوت الcoordinator.  بيفكرني بنفسي في شبابي شمعة تحترق من أجل الآخرين ..

٣- عشان نفسي فكرة الCAT  تسود ونبقى في يوم من الأيام عندنا منظمة كده كبيرة والناس بتقلدها .. عشان حتى و إحنا مش شاغلين نبقى بناخد حسنات و فضل و فتوحات دنيا و آخرة إن شاء الله ببركة بداية العمل  و الصبر عليه..

زي ما قلت.. هحاضر إن شاء الله في المؤتمر يوم الخميس -بعد بكره-١٣ مايو ٢٠١٠ الساعة ١١ صباحاً. ^*١

المحاضرة بعنوان Google App Engine

المكان : في قاعة أ.د رشاد البدراوي في كلية الهندسة جامعة المنصورة.

الموقع الإلكتروني للمؤتمر:

http://catreloaded.net/scope

المحاضرين الآخرين  ^*٢:
http://scope.catreloaded.net/speakers

الجدول ^*٣:

http://scope.catreloaded.net/schedule

الموقع عموماً هنضيف في الأيام الجاية المحاضرات بمواعيدها بالظبط في التقويم الجوجلي للفريق ..و هنعلنه بحيث إنك لو عايز تنبيه يجيلك على البريد أو على الموبايل قبل كل محاضرة ..

كمان بنحاول نشوف حل لبث المؤتمر كله حي و مباشر من موقع الحدث على ustream.tv m لذلك ترقب الآحداث..

خد نصيحتي كمان أجيبلك من الآخر.. تابع بقية الأخبار على تويتر :

www.twitter.com/CAT_SCOPE

وعلى مجموعتنا على الFacebook

http://www.facebook.com/#!/group.php?gid=11705900412

*زي اليوم ده من ٣ سنين إديت محاضرة هي كانت أول محاضرة أديها ل CSED والحضور اللي كان فيها كان مميز جدا بالنسبة لي و أنا فاكر كويس حصل بعديها مشاكل مع محمد حمدي إنه كان مقتنع إن الإجتماع مكنش مُجدي أو حاجة زي كده .. مش فاكر أوي أنا فكاكر إن كان في مشاكل ..

على أي حال عمري ما هنسى اليوم ده و قد إيه انا كنت سعيد فيه .. والوقتي بقى بعد ٣ سنين إكتشفت إن يمكن الفرحة العرمة اللي كنت فيها هي السبب إني كنت ملبخ ؟؟!! ممكن والله

*٢ أحمد سليمان و أحمد عبدالله و أحمد على بكساوي و لفيف من أقوى رجال الفريق القدامي هيعملو برده محاضرات جنباً إلى جنب مع شباب الجيل الصاعد شباب حاسبات اللي لعبوا دور جامد جدا السنين اللي فاتت  ده طبعا إلى جانب ولأول مرة ناس مش من الفريق دائمين زي أحمد كاوي و أحمد علي التاني و زي محمد جمال دول بقى ناس جديدة جامدة و مش تبع الرعاة و اللي هيا حاجة جديدة جدا جدا من نوعها .. و لأول مرة في اللينكس أحمد بيه بكر صديق الكفاح .. يعني كلام جديد حديد جديد حديد ..

*٣ المؤتمر ٤ أيام دسمة جدا جدا تقنياً لو أنت من بره المنصورة و بتفكر تيجي فعلا فرصة كويسة .. و مش هتندم إن شاء الله ..

اليوم ١٥-١٢-٢٠٠٩
الزمان بعد الظهر ٢:٠٠
المكان قاعة أ.د. رشاد البدراوي بكلية الهندسة كنت بحاضر عن
Positive Social Web

لو كنت حضرت المحاضرة لو سمحت متحرمنيش من تقييمك ..

..لو كنت حضرت المحاضرة لوسمحت متحرمنيش من الصور
لو كنت حضرت برده ممكن تعلق على الموضوع و تشاركني بالإقتراحات والنقد ..

و بشكل مبدأي شكرا للفريق العظيم
CAT
انهم اعطوني الفرصة اتكلم في اليوم المهم ده و شكرا لكل الحضور و المحاضرين الزملاء

وأخيرا مع ملخص المحاضرة في فيديو